Kapatid ba ni Pong Pagong ang BSP?!

Kapatid ba ni Pong Pagong ang BSP?!

Ayon kay Peter Lundgreen, posibleng magtapos ang taon sa 55 pesos kada dolyar.

Lundgreen: Walang Rason para Baguhin ang Forecast

Ayon kay Lundgreen’s Capital CEO Peter Lundgreen, mas maraming panganib ang haharapin ng mga investors sa Pilipinas kapag pumalo ng 55 kada dolyar ang piso.

Ito naman ang forecast ng kumpanya bago pa man magsimula ang taon. Walang rason para baguhin ito.

Tumaas kasi talaga ang halaga ng US dollar at di lamang ang piso ang apektado. Ngunit, lumalabas din naman ang kapital ng mga foreign investors sa bansa.

Ayon kay Lundgreen, walang direktang linya na nag-uugnay sa interest rate at halaga ng piso. Ang paghihigpit ng US sa liquidity nito ay makakaapekto sa Pilipinas.

Noong isang taon, mababa ang interest rate ng Pilipinas. Ang pagtataas ng Bangko Sentral ng Pilipinas ng 1% sa interest rate ay para lamang makahabol sa pagkukulang nito noong isang taon.

Pero, nagtaas din ng interest rate ang US Federal Reserve at marami pang pagtataas na mangyayari sa mga susunod na buwan.

Ayon kay Lundgreen, ang 4% interest rate na itinalaga ng BSP ay masyadong mababa sa 5.7% inflation rate noong July.

Mga nakakaapekto sa Pilipinas:

  • BREXIT o ang pag-alis ng United Kingdom sa European Union
  • US-China trade war
  • Pagtataas ng interest rate ng US

Ayon kay Lundgreen, inaasahan ng mga investors na dedepensahan ng BSP ang halaga ng piso sa pamamagitan ng pagtataas ng interest rate.

Totoong hindi naman nakadepende sa US ang monetary policy ng Pilipinas, ngunit bilang emerging market, umaasa ang Pilipinas sa galaw ng US dollar.

Ayon kay Lundgreen, masyadong mahina ang BSP. Takot na takot ito sa rehimeng Duterte.

Dapat noong isang taon pa lamang ay nagdesisyon na sila sa interest rate para nakapagbigay sila ng kaginhawahan sa mga investors.

May mga senyales nang posibleng magkaroon ng currency crisis ang Pilipinas. Hindi nangangahulugang magkakaroon nga ng krisis, ngunit mula sa pagiging mababa ng panganib ng pag-invest sa Pilipinas ay naging katamtaman na ang mga panganib.

Ayon kay Lundgreen, ito ay dahil sa masyadong mabagal sa pagkilos ang BSP.

Hindi makokontrol ng interest rate ang masyadong pagtaas ng presyo ng mga bilihin dahil ang pinanggagalingan ng pagtaas ng presyo ay ang pagkain.

Hindi ito mababago ng anumang monetary policy ng BSP. Ngunit, kailangan din namang ibalanse ng BSP ang paggastos ng rehimeng Duterte. Kung di nila gagawin ito, magkakaroon ng mas mabigat na problema ang ekonomiya ng bansa.

Masyadong bantulot ang BSP. Takot na takot na magdesisyon. Bakit kaya?

 

 

Source:

Dela Cruz, R. T. (2018, September 1). Investment guru sees more risks emerging in PH . Retrieved from Manila Standard: http://manilastandard.net/business/economy-trade/274472/investment-guru-sees-more-risks-emerging-in-ph.html

 

 

One thought on “Kapatid ba ni Pong Pagong ang BSP?!”

Comments are closed.